Една од најомилените ѕвезди на Холивуд актерот Кијану Ривс, дефинитивно спаѓа во групата најсакани познати личности.
Поради неговата непосредност, природност и скромност, актерот е обожуван од публиката,
А тоа обожување ја поттикна петицијата со која неговите фанови бараат актерот да биде прогласен за личност на годината.
Повеќе од 70.000 луѓе ја потпишале петицијата магазинот „Time“ да го прогласи Кијану Ривс за човек на годината.
На страната „Change.org“ се појави петиција во чиј опис пишува:
„Кијану е најдобрата личност која постои, прогласете го за личност на годината! Кијану во тајност донираше милиони за детските болници и други добротворни установи, тој направи неверојатни работи за луѓето и ништо не побара за возврат“
„Тој тоа го заслужи“, коментираа потписниците на петицијата во коментарите.
Целта на петицијата е да се соберат 150.000 потписи, а ако и вие се согласувате со идејата на фановите на Кијану Ривс, можете да го дадете својот глас на страната „Change.org“.
Инаку, магазинот „Time“ секоја година прогласува личност на годината, а минатата година таа титула ја доби убиениот саудиски новинар Џамал Кашогџи.
