Еден од најпознатите музичари во светот, Канје Вест кој неофицијално ќе се кандидира за претседател на САД, откри дека го прележал коронавирусот.
Тој во интервју за „И Њуз“ потврди дека го прележал вирусот во февруари.
Вест ги опиша своите мачни денови, кога имал силна треска, потење, висока температура и единственото нешто што му беше потребно било топол туш.
Интервјуто се прошири по социјалните мрежи по неговата кандидатура за претседател, идеја која ја соопшти уште во 2015 година.
Раперот во моментот подготвува нов албум „Господовата земја“ како и нова колекција на неговата модна куќа „Јизис“.
