Актерот и сопственик на неколку клубови, Рио Хакфорд, почина на 53-годишна возраст. Причината за неговата смрт сè уште не е откриена, но неговиот брат Алекс Хакфорд им откри на странските медиуми дека Рио починал на плажата Ханингтон откако некое време бил болен.
View this post on Instagram
Рио е најстариот син на режисерот Тејлор Хакфорд, кој го доби со првата сопруга Џорџи Лоренс, а е посинок на познатата британска актерка Хелен Мирен. Тој глумеше во бројни филмови и серии, а поседува и голем број ноќни клубови и кафулиња низ САД.
Актерската кариера ја започна со мала улога во класиката „Убава жена“ во 1990 година, а веднаш потоа се појави во неколку серии.
View this post on Instagram
Последниве години немаше некоја голема улога, но неодамна сакаше да се врати на голема врата пред камерите. Се појави како менаџер во серијата „Pam & Tommy“ и ова воедно му е последна улога. Глумеше и во „The Mandalorian“.
View this post on Instagram
На социјалните мрежи од него се простуваат бројни колеги и пријатели. „Ел Рио“, напиша Хелен Мирен во описот на својата фотографија, а многу познати личности му оддадоа почит, а сите изразија голема тага поради неговата смрт.
