Турчинот Алсин Левент (35) кој е виновник за сообраќајната несреќа во која загина пејачот Шабан Шаулиќ, се уште е во истражниот затвор.
Според Државното обвинителство во германскиот град Билефилд, прашање на денови е кога ќе биде комплетиран извештајот за удесот на автопатот.
Државниот обвинител Кристоф Макел вели дека на јавноста ќе и биде даден и извештај од вештакот за причината на трагедијата која однесе два живота. Покрај легендарниот пејач загина и неговиот клавијатурист Мирсад Кериќ.
-Обвинетиот дефинитивно немал возачка дозвола. За време на истрагата потврдено е дека возачот на маздата Алсин Левент на 17 февруари 2019 година бил под дејство на алкохол и дрога (канабис), изјави државниот обвините Кристоф Макел.
Шаулиќ со тешки повреди беше пренесен во болница, но почина набрзо по приемот. Неколку дена подоцна беше погребан во Белград во Алејата на заслужните граѓани.
