Мишел Вилијамс доби поддршка од жените, а громогласно и аплаудираа и Џенифер Анистон и Селма Хајек.
Актерката Мишел Вилијамс (39), која е во блажена состојба, ја подигна јавноста на нозе со својот говор на доделувањето на Златниот глобус кое се одржа во неделата на 5-ти јануари, во Беверли Хилс.
Мишел доби Златен глобус за најдобра улога во мини серијата „Fosse/Verdon”, а оваа прилика ја искористи да и се обрати на јавноста и да проговори за абортусот. Како што кажа и самата, имала право на избор и го искористила, а медиумите наведуваат како тоа и помогнало да напредува во кариерата.
– Дадов се од себе да го креирам својот живот, да не бидат само низа случувања кои ми се случиле, туку да можам да го видам своето влијание во се, мој избор, да го препознаам мојот ракопис во таа приказна. Некогаш тој ракопис е хаотичен, некогаш прецизен и точен. Меѓутоа, сето тоа јас сама го напишав и не би можела да го сторам тоа доколку немав право да изберам. Да имам право на избор да можам да кажам кога и со кого сакам да имам деца, да добијам поддршка, тоа ми значеше повеќе од било што – изјави актерката.
– Знам дека моите избори се веројатно поинакви од вашите, но фала му на Бог што оваа земја е заснована на принципи според кои јас го живеам својот живот според своите уверувања, а вие по вашите. И слободни сме да постапуваме како што сакаме – порача актерката и додаде:
– Благодарна сум што живеам во момент кога постои избор, бидејќи, жени и девојки, знајте дека на вашите тела можат да им се случат работи кои не се ваш избор.
"Women are the largest voting body in the country. Let's make it look more like us."
YES.
Thank you, Michelle Williams. #goldenglobes2020 pic.twitter.com/39vqh6ETvJ
— TIME'S UP (@TIMESUPNOW) January 6, 2020
– Жени, сите жени, од 18 па до 118, гласајте во свој интерес кога ќе дојде момент за гласање. Мажите тоа со години го прават, затоа и светот е скроен по нивна мерка. Но, не заборавајте дека ние сме мнозинското гласачко тело во оваа земја. Затоа, ајде да ја обликуваме според нас! – порача Мишел.
Додека актерката го говореше ова, во публиката освен поддршката и аплаузот можеа да се видат и солзи, особено на лицето на нејзината најдобра пријателка Бизи Филипс, која абортирала на 15 години.
Со аплауз ја поддржа и Џенифер Анистон, додека на социјалните мрежи на нејзина страна застанаа бројни жени, како Селма Хајек, Тифани Хадиш и други.
Меѓутоа, додека повеќето жени беа на нејзина страна, еден дел од јавноста беше изненаден и го осуди нејзиниот говор, наведувајќи дека „се фали дека имала абортус за да го освои Златниот глобус“.
"Women are the largest voting body in the country. Let's make it look more like us."
YES.
Thank you, Michelle Williams. #goldenglobes2020 pic.twitter.com/39vqh6ETvJ
— TIME'S UP (@TIMESUPNOW) January 6, 2020
Literally us after that Michelle Williams speech #GoldenGlobes pic.twitter.com/zBOp3LVf9w
— Chicks in the Office (@ChicksInTheOff) January 6, 2020
