Деновиве вниманието беше свртено кон поранешната девојка на Џастин Бибер, Селена Гомез, која објави две нови песни, „Lose You To Love Me“ и „Look at her now“ кои „индиректно“ беа посветени на пејач.
Џастин за да го привлече вниманието кон себе и искористи за своја промоција, реши на необичен начин да се обрати на своите фанови.
Ѕвездата на хитовите „Baby“ и „Never Say Never“ на својата објава на Инстаграм изјави дека доколку добие 20 милиони лајкови, ќе објави нов албум пред Божиќ.
„Споделете, лајкнете, постирајте на вашето стори, морам да ја видам побарувачката 😉 ве сакам дечки и возбуден сум! Скоро сум готов, но вашата поддршка ќе ме натера да побрзам“, напиша музичката ѕвезда под објавата.
Објавата има веќе 11 милиони лајкови, така што сметаме дека пејачот набрзо ќе ја исполни својата цел.
Сепак… 121 милион следбеници не се малце, нели?
