Принцот Хари за 2020 година најави необичен и возбудлив проект во кој тој ќе соработува со познатата Опра Винфри.
Веста за нивната соработка ја објавил на официјалниот профил на Инстаграм, споделувајќи „возбудливи вести“ со своите следбеници.
Тој и Опра заедно ќе работат на серијал за ментално здравје, како партнери, креатори и извршни продуценти. Притоа, принцот изјавил дека доброто ментално здравје е клуч за сè.
„Голема е одговорноста ова да го направиме така како што треба да биде. Ќе ви презентираме факти и научни податоци околу свеста за темата која е толку релевантна во овие времиња“, напишал принцот.
Тој се надева дека соработката со Опра ќе биде позитивна, но и дека ќе допре до луѓето низ целиот свет, особено оние кои се соочуваат со ментални проблеми.
