Уште една потврда зошто првата дама на Америка ја носи титулата модна икона.
После неколку еднобојни, да не кажеме монотони комбинации, првата дама на Америка, Меланија Трамп повторно воодушеви кога станува збор за модата.
Убавата Словенка со својот сопруг Донал Трамп беше на Флорида, каде што ги поминаа велигденските празници.
Меланија одлучи на нивното омилено место да отпатува во топ пролетна дневна комбинација, па за таа прилика облече бел фустан до колена, преку кој, во свој стил, префрли преубав пролетен цветен мантил.
Едноставната, но многу впечатлива комбинација ја заокружи со салонки на високи потпетици во пастелно портокалова боја, која оваа пролет е апсолутен тренд.
Дали би ја ископирале оваа комбинација на Меланија Трамп?
