Водителката Јована Јеремиќ е позната по тоа што нема влакна на јазикот. Таа неодамна призна дека нејзиниот критериум за храна и услуга во угостителството е екстремно висок, а причината за тоа лежи во нејзиното детство.
Јована откри дека пораснала во семеен ресторан кој работел цели 40 години и кој ја подигнал неа и целото нејзино семејство. Токму затоа, таа се смета за врвен експерт во таа област.
„Полоша сум од инспекција“
„Треба секогаш да се сеќаваш од каде потекнуваш за да знаеш кој си и каде одиш. Затоа ги сакам рестораните, но каде и да јадам во градот, полоша сум од инспекција. Не ми замерувајте, ресторанот ме одгледа. Голем поздрав до сите угостители“, порача Јеремиќ, потсетувајќи на култната лепиња со кајмак и јајца што ја подготвувало нејзиното семејство.
Спартански живот и тренинзи до последен здив
Покрај строгите критериуми во рестораните, Јована е исто толку строга и кон себе. Таа не крие дека живее „спартански“ и редовно споделува кадри од своите напорни тренинзи. Неодамна ги почести фановите со фотографии на кои е целосно „мокра до кожа“ по исцрпувачки кардио тренинг.
„Среќа што сум во црно, па не се гледа колку сум мокра. Ова е тренинг за жена-сила“, напиша водителката под фотографиите од теретана, покажувајќи ја својата челична дисциплина.
