Живкица Каленикова објави слика на која изгледа прекрасно, а заслужен за овој гламурозен изглед на познатата водителка и новинарка е Александар Билјановски – Дадар.
Дека вистинските пријателства на македонската јавна сцена постојат, докажуваат една од нашите најпопуларни водителки, Живкица Каленикова, и познатиот мејкап артист, Дадар.
Сликата која ја објавија на нивната инстаграм-приказна е со ознака „Friends Forever“ (Пријатели засекогаш) и нацртано срце, со што двајцата соработници и долгогодишни пријатели уште еднаш ја покажаа поврзаноста.
На фотографијата, Живкица и Дадар се појавуваат во елегантно издание, двајцата во класична црна боја.
Таа изгледа софистицирано со својата препознатлива црна брановидна коса и шминка која ги истакнува нејзините црти, дело на вештите раце на Дадар.
Дадар е, секогаш во чекор со трендовите, а на сликата е во црно палто и кошула, изглед кој одлично му прилега.
