Бугарскиот фолк-пејач Азис повторно ја шокираше јавноста со својата најнова естетска корекција. Иако веќе подолго време работи на својот визуелен идентитет, овојпат отиде чекор понатаму, фалејќи се со импресивен обем на градите од дури 132 сантиметри.
„Градите ми се конечно обновени. Морам да признаам дека ми е тешко да спијам на стомак поради нивниот обем, па сега сум принуден да спијам на грб, но веќе се навикнувам. Без сомнение, моите гради се вистинско уметничко дело“, изјави контроверзниот пејач.
„Не ми требаат совети од фитнес гуруа“
Азис, кој е познат по тоа што не поднесува критики за неговиот изглед, упати и остра порака до сите оние кои го советуваат да се врати во теретана наместо да оди „под нож“.
„Ве молам, престанете со советите, не сакам да бидам како вас! Јас живеам во иднината. Секој може да оди и да тренира, јас никого не спречувам во тоа. Но, верувајте, дури и да спиете во теретана, ефектот никогаш нема да биде 132 сантиметри обем. Ја разбирам вашата загриженост, но насочете ја таа енергија кон некој друг“, порача пејачот.
Со оваа изјава, Азис уште еднаш потврди дека неговата желба за екстремни трансформации нема граници, дури и ако тоа значи дека треба да го жртвува својот мирен сон.
