Актерката Маргот Роби во светот на Холивуд се проби со улогата на згодната Наоми од „The Wolf of Wall Street“ каде глуми со неповторливиот Леонардо Дикаприо. Но, оваа атрактивна Австралијанка се занимавала со глумата долго пред тоа. Професионално започнала со глумата кога глумела во два филма на I.C.U и Vigilante, двата режирани од страна на Арон Еш. Тогаш се уште немала агент, но го воодушевила режисерот и добила улога. Нејзиниот пат до Холивуд бил експресен и импресивен. За само 5 години снимила неверојатни 19 филмски проекти во кои до израз дошле нејзиниот талент и професионалност.
Со тоа службено ја обезбедила титулата на највработуваната актерка во Холивуд. Според анализата на PartyCasino, 29-годишната дама одглумила дури во 15 проекти, додека 2 улоги и припаднале како пократки и споредни, а на еден филм работела и како продуцентка. Тука е и улогата во еден краткометражен филм.
Кога сето тоа ќе се собере, Робие е жена со најмногу понудени улоги во Холивуд во последните 5 години. Со тоа позади себе остави многу поискусни и повозрасни колешки како што се Никол Кидман и Натали Портман, кои го заземаа второто и третото место.
