Легендарниот хит на Мараја Кери,„All I Want For Christmas Is You“ е незаобиколива песна на сите листи на божиќни песни. Снимен е далечната 1994 година, а американската пејачка со изведбата на овој хит се најде на самиот врв на топ листите.
На својот инстаграм-профил Мараја го најави влегувањето во претпразничниот период. На видеоснимката се гледа како пејачката се буди на 1 ноември со тактовите на нејзината популарна песна. Во еден момент и се јавува Дедо Мраз, а пејачката вели „Време е“.
Видеото за помалку од 24 часа е погледнато повеќе од милион пати, а бројните обожаватели се согласија дека едвај го чекаат најомилениот празник во годината – Божиќ.
„Уште само 45 дена до Божиќ. Ова ми е твоја омилена песна и секогаш буди некои убави чувства во мене.“ „Најдобра божиќна песна“, се само некои од коментарите на Инстаграм.
Американската пејачка секоја година на својот најголем хит заработува шокантно вртоглава сума, а само оваа година „All I Want For Christmas Is You“ и донел 625 илјади фунти, пренесува Мирор.
