Поп ѕвездите Аријана Гранде и Лејди Гага ја објавија нивната прва заедничка песна „Rain on me“, а втора на претстоечкиот албум на Гага „Chromatica“.
На Јутјуб профилот на Лејди Гага беше објавен и спотот кој изгледа многу футуристички.
Песната само во првите 7 часа собра преку 10 милиони прегледи и доби многу пофалби, но пофалби доби и изгледот на пејачките.
Пејачките после соработката станале многу блиски пријателки, а Лејди Гага изјавила дека се восхитува на способноста на Аријана да закрепне после настани како бомбашкиот напад на нејзиниот концерт во 2017 година и смртта на поранешното момче Мек Милер.
„Ме освои нејзината храброст и истрајност. Таа нема ронка злоба во неа. Прекрасна е!“, изјавила Лејди Гага во едно интервју.
