Српскиот фолк-пејач Дарко Лазиќ ги изненади своите следбеници на социјалните мрежи со вечера која на многумина им разбуди спомени од детството. Наместо скапи специјалитети и раскошна трпеза, тој си подготвил едноставен оброк од леб, млеко и шеќер.
Пејачот на својот профил на Инстаграм објави видео во кое покажа како ја подготвува оваа старинска посластица. Во длабока чинија издробил парчиња леб, ги прелил со млеко, а потоа додал и поголемо количество шеќер.
„Кој се сеќава на старата посластица, е па, пријатно“, кратко порача Лазиќ.
Неговата објава брзо привлече внимание, а едноставниот оброк ги потсети многумина на времето кога ваквите домашни десерти биле редовен дел од детството.
Иако денес живее поинаков живот, Дарко неодамна зборуваше и за промените што ги направил во секојдневието. Тој призна дека сопругата има позитивно влијание врз него и дека му помага да се грижи за себе.
„Сопругата многу добро влијае врз мене, се грижи за мене. Залуден е целиот труд ако јас не го сакам тоа, но убаво ми е и ми се допаѓа. Одамна созреав, но малку се правев наудрен“, изјави пејачот.
Тој откри и дека по пауза од година и пол повторно почнал да тренира, како и дека променил многу работи во животот.
