Познатата американска актерка и сопственичка на компанијата Goop, Гвинет Палтроу, со својата појава го увеличи претставувањето на новата колекција од висока мода со потпис на модната куќа Валентино.
Покрај многубројните познати имиња во склопот на париската Недела на модата, оваа славна оскаровка успеа посебно да се истакне со појавата на бел, плисиран фустан од грчки стил.
Длабокото деколте и тенките прерамки зачинети со голиот грб, придонесоа за ова заводливо и гламурозно издание на Гвинет Палтроу.
Таа овој отмен фустан го зачини со впечатлив златен ланец околу вратот, но и околу половината со накит од истиот дизајн.
