Тамара Чуприна, сопругата на македонскиот репрезентативец Дарко Велковски, наполни 30 години, а јубилејот го прослави во опуштена атмосфера со семејството и најблиските пријатели.
Од фотографиите и видеата што ги објави на социјалните мрежи може да се види дека прославата била организирана во елегантен црно-бел стил. Просторот беше украсен со бели балони и црни панделки, а во истиот дух беше изработена и роденденската торта, украсена со црни детали и свеќички.
Славеничката избра краток црн фустан, надополнет со светкави потпетици, а подоцна удобноста ја стави во преден план и обувките ги замени со рамни влечки.
Во центарот на вниманието беа и Дарко Велковски и нивните синови, Ведран и Видан. Четворицата заедно ги изгасија свеќичките на тортата, а семејните фотографии беа меѓу најубавите моменти од вечерта.
Тамара сподели и видеа од прославата, на кои се гледа дека одлично се забавувала. Во еден момент зеде микрофон и им запеа на гостите, кои ја наградија со аплауз и насмевки.
Дарко Велковски и Тамара Чуприна ја крунисаа својата љубов со свадбена прослава во јуни 2023 година, откако претходно склучија граѓански брак. Денес се родители на два сина – Ведран, роден во февруари 2022 година, и Видан, кој се роди во јуни 2024 година.
