Популарната кошаркарка Едина Муса или една од најхрабрите и најмотивирачки жени од нашиот јавен живот, кога се работи за вежбање и „нема откажување“, вчера се огласи на својот инстаграм- профил.
„Кој оди сам на операција со ранче“, напиша таа и објави фотографија на пат кон болница.
Претходно спортиската објави видео на стори каде што образложи дека пред неа има нов здравствен предизвик и дека во моментот го прави последниот тренинг, пред подолга пауза.
„Ова е последниот тренинг пред операција, моја шеста операција на коленото, благодарение на сите тие напорни тренинзи кои ги имав во Америка. Малкумина од вас знаат дека кога игравме финале со Струга, на првата утакмица го повредив менискусот, и притоа играв уште две утакмици повредена, односно не можев да трчам, имав болки, имав сецкање во коленото,“, образложи таа.
Муса поајсни дека при вежби со тежина нема никаков проблем, меѓутоа е тотално ограничена за какво било трчање, менување на правец.
Таа како и секогаш со насмевка пред секој предизвик што ѝ го носи животот, па така во следната објава напиша дека овој одмор ќе ѝ дојде добро таман да си ја дочита книгата.
Посочи дека операцијата на некој начин и добро и дошла, за да се наспие, како што вели, вака не се наспала од кога е роден нејзиниот син Максим.
По 20 часа Муса се враќа дома во добра состојба, сè поминало во добар ред, како што вели во својата објава.
