Брајан Меј е еден од најдобрите гитаристи на сите времиња. Од 1968 до 1991 година Меј свиреше во легендарниот бенд „Queen“, а притоа ги напиша хитови како „We Will Rock You“, „Flash“, „Who Wants to Live Forever“ и „Too Much Love Will Kill You“. Покрај славата и огромните ангажмани со бендот Брајан редовно полагал испити на познатиот „Imperial College“ во Лондон, каде студирал физика и математика.
View this post on Instagram
Дипломирал во 1968 година, како најдобар во својата генерација, по што пишувал статии за научни списанија и вршел набљудувања во опсерваторијата на Тенерифе, а во 2007 година докторирал по астрофизика на тема „Рефлексија на светлината од меѓупланетарната прашина на Сончевиот систем“.
View this post on Instagram
За да ја приближи сложената материја до мирјаните, во соработка со колегите Патрик Мур и Крис Линтот, ја напиша книгата „Големата експлозија: Целата историја на вселената“, за која добил бројни награди. Тој со години работи како гостин – предавач на Универзитетот Џон Мур во Ливерпул, а за тоа колкава репутација ужива во академските кругови најдобро говори фактот дека астероидот 62665, откриен во 2008 година, го добил неговото име.
View this post on Instagram
Природните науки и музиката не се единствените домени во кои тој се истакнува. Имено, Меј е голем познавач на британската историја, а целата соба во неговиот дом е полна со книги од тој период. Покрај тоа, тој објави голем број научни написи од областа на географијата, а минатата година, на неговиот седумдесет и втор роденден, Брајан беше награден со медал на Кралското канадско географско друштво, за неговиот придонес во популаризацијата на науката.
