Пејачката е подготвена за нови предизвици…
Бритни Спирс (39) ги потстрижа своите долги локни во кратка фризура до рамената. Таа овие фотографии ги објави на социјалните мрежи до кои напиша:
„Ја потстрижав косата! Знаете како велат: напуштете го старото, зграбете го новото! Сега да се помолиме!“.
Оваа нејзина промена ја поддржа и момчето Сем Асгари, кој под сликата напиша: „Те обожавам!“.
Бритни ја потстрижа косата истиот ден кога е одржано судското рочиште за нејзината конзерваторска борба. Имено, адвокатот на Бритни Спирс поднел тужба против нејзиниот татко Џејми во август, и наведе дека пејачката се плаши од својот татко и дека тој повеќе не може да биде нејзин старател кој ќе управува со сите нејзини средства.
„Ја сакам својата ќерка и многу ми недостасува. Кога на член од семејството му е потребна грижа и заштита, јас сум тука, како што бев 12 и повеќе години за да ја штитам“, наведе Џејми Спирс (68).
