Џенифер Анистон беше меѓу ретките ѕвезди кои немаа профил на Инстаграм, но откако го отвори, бројот на нејзините следбеници не престанува да расте.
Со првата објава буквално ја блокираше оваа популарна социјална платформа, а оттогаш не престанува да воодушевува со своите симпатични објави.
Овој пат своите интернет пријатели одлучи да ги запознае со кучето Клоди, или како што таа го нарекува, „најдобриот пријател“.
„Најдобриот пријател на жената. Денес го водам Клоди на работа“, напиша актерката покрај фотографијата со својот миленик.
Џенифер е толку популарна на Инстаграм така што нејзината фотографија за само половина час собра повеќе од милион ипол лајкови.
Фановите најмногу ги пофалија нејзините нозе и воодушевувачкиот и младолик изглед на 50 години.
