Боба Живојиновиќ пред 17 години го одбил таткото на Новак Ѓоковиќ, кој побарал од него да инвестира 500.000 евра во младиот тенисер.
Боба и Брена тогаш мислеле дека таква инвестиција не би имала смисла, бидејќи Новак бил болежлив, а татко му Срѓан е „тежок“ соработник. Го одбиле со причина дека Новак е талентиран и дека може да постигне и самиот.
Идејата на таткото на Ноле била Боба да добива по 15% од секој договор на младиот тенисер. Да пристапел, денеска семејството Живојиновиќ би имало 18 милиони евра само од договорите, хонорарите и спонзорите на Ѓоковиќ.
Таткото на Ѓоковиќ никогаш не криел дека често позајмувал пари за да може неговиот син да тренира редовно. Но, сега, кога Новак е веќе светски тенисер, спонзорите сами доаѓаат кај нив.
