Фолк пејачката Светлана Цеца Ражнатовиќ ги коментираше наводите дека нејзината ќерка Анастасија, која е во брак со фудбалерот Немања Гудељ, е бремена.
– Озборувања! Претпоставувам дека јас како мајка прва би дознала дека е бремена… – низ насмевка одговорила Цеца на снимањето на музичкото шоу „Ѕвездите на Гранд“.
Анастасија Ражнатовиќ неодамна прослави две години брак со фудбалерот Немања Гудељ, а по романтичната фотографија со балони во облик на срце, Анастасија сподели објава која зборува за она што го научила низ годините.
– Долго време мислев дека комуникацијата е клучна, додека не сфатив дека тоа е всушност разбирање. Можете да разговарате со некого за сè што сакате, но ако не ве разбира, настанува тивок хаос – ја објави пораката Анастасија на својата инстаграм-приказна.
Анастасија ужива во Шпанија со сопругот, фудбалерот Немања Гудељ, а неговото семејство им е голем поддржувач.
Анастасија во еден период не била во добри односи со свекрвата Оливера Гудељ и золвата Вања Гудељ, а како што неодамна напиша српски „Блиц“, дошло до помирување меѓу нив.
– Имаше помирување и сега сè е во најдобар ред. Ја видовте и фотографијата која Немања ја објави на мрежите, сега сите се среќни и во добри односи. Немања имаше најмногу влијание на тоа сите да бидат сложни и сега е токму тоа – вели добро упатен извор за „Блиц“.
