За Брајан Адамс, кој е на музичката сцена од 1975 година, во еден период се зборуваше дека и бил љубовник на принцезата Дајана. Таквите приказни ги подгреа изјавата на батлерот на Дајана, Пол Барел, кој во една телевизиска емисија изјавил дека славниот музичар тајно со кола влегувал во Кенсингтонската палата и се прикрадувал до одаите на принцезата.
Кога пред неколку години Брајан Адамс гостувал во емисијата на Енди Коен, одговорил на ваквите приказни.
„Не се прикрадував. Едноставно доаѓав во палатата. Да, Дајана и јас бевме… па, големи пријатели.
„Бевте пријател со привилегија?“, го прашал потоа Коен.
Пејачот ова прашање го збунило, а не сакал ни да потврди, ни да негира, па многумина тоа го сфатија како признание на нивната врска.
Во 1985 година Адамс ја снимил нумерата „Дајана“ во која се зборува за кралицата на неговото срце која е со друг човек кој не ја заслужува. Вљубениот маж во песната вели дека ќе умре за Дајана, па се прашува: Што правиш со ваков тип?
По смртта на Дајана, Брајан Адамс никогаш веќе јавно не ја извел оваа песна.
