Ѕвездата на „Игра на престолите“, актерот Кит Харингтон (Џон Сноу) завршил на рехабилитација откако е емитувана последната епизода на хит-серијалот, соопштил неговиот портпарол.
„Кит одлучи да ја искористи паузата во неговиот работен распоред како прилика некое време да се повлече и да поработи на решавањето на некои лични проблеми“, стои во соопштението.
Благодарение на „Играта на престолите“, Харингтон стана светки познат.
Дејли мејл објави дека глумецот тешко го погодило завршувањето на серијалот и дека е на рехабилитација поради стрес, исцрпеност и проблеми со алкохолот.
Престојот во центарот за рехабилитација „Privé-Swiss Wellness“ во кој Кит сега се наоѓа, чини повеќе од 120.000 долари месечно. За тоа богатство ги учат посетителите како да се справуваат со стресот и со негативните емоции, пишува Дејли мејл. Неофицијално во неговата програма е и помошта во одвикнување од алкохолот.
Неговата сопруга Роус Лесли, со која се запознал на снимањето на „Игра на престолите“, му пружа целосна поддршка.
„Сакаме Кит конечно да се одмори и да си дојде на себе. Потребни му се мир и тишина“, велат неговите пријатели.
