Познатата модна креаторка и сопруга на легендарниот фудбалер Дејвид Бекам, Викторија Бекам, позната е по тоа што деловниот стил успева да го носи со неверојатна леснотија, дури и во секојдневна варијанта или на црвениот тепих.
Едно од нејзините најдобри изданија е секако белото одело кое сама го дизајнирала, а го носеше на забавата која пред неколку вечери е одржана после церемонијата за доделувањето на БАФТА наградите. Станува збор за бело одело кое го сочинуваат длабоки панталони со рамен крој чии ногавици благо се прошируваат во облик на ѕвоно при самото дно и струкиран блејзер со широки ревери. Бекам одлучила сакото да го носи откопчано, односно со него само се нагрнала, ставајќи ја во прв план блузата со ефектен детаљ во облик на црна роза околу вратот.
Меѓутоа ова не е прв пат да ја видиме Викторија во оваа нејзина комбинација – ја носела во неколку прилики, како што било и гостувањето во емисијата на Елен Деџенерис и доделувањето на GQ наградите, а тогаш одлучила блејзерот да биде закопчан.
