Во екот на пандемијата на коронавирусот луѓето се загрижени за своето здравје, а иако докторите ги советуваат луѓето да се чуваат себеси и своите блиски, голем број млади не го почитуваат тоа бидејќи самоизолацијата и дистанцата од друштвото тешко им паѓа.
Поради тоа, шефот на службата за јавното здравје на САД, Џером Адамс, кој гостувал во емисијата „Добро утро Америка“, ги повикал сите инфлуенсерки, а особено се осврнал на Кајли Џенер, која на Инстаграм има 166 милиони следбеници, со своите објави да помогнат да се освестат младите за сериозноста на ситуацијата.
– Особено е тешко со деца од 14, 15 години. Што и да им кажеме, тие не се придржуваат до тоа – рекол Џером.
Додал дека младите генерации го игнорираат карантинот, а не се свесни дека и ним им се заканува опасноста од зараза со коронавирусот, која можат да ја пренесат на оние најранливите.
– Новите податоци од Италија упатуваат на тоа дека младите луѓе можеби се изложени на поголем ризик одошто се мислеше. Но, дали размислувате на своите баби, дедовци, размислете на фактот дека ширите болест која може да ги убие – заклучил Адамс.
