Селин Дион често е на удар на модните критичари ширум светот, додека едни ја фалат, други сметаат дека нејзиниот стил не е примерен за нејзините години, но таа не отстапува од своите комбинации.
За гласовните можности на Селин Дион сите се согласни – ѝ нема рамна. Но кога е во прашање нејзиниот стил, мислењата се поделени.
Иако води сметка и ги следи светските модни трендови, пејачката често знае да изненади со својот избор и комбинација, особено во последните години. Фановите ја осудуваат дека е преслаба, но таа на тоа има јасен одговор:
-Ако си се допаѓам самата себеси онаква каква што сум, не сакам воопшто да разговарам за тоа. Немојте да ме гњавите, не ме фотографирајте. Ако ви се допаѓам, одлично. Ако не ви се допаѓам, тогаш едноставно оставете ме на мира –рече пејачката, која после смртта на нејзиниот сопруг Рене Анжели долго беше во депресија и драстично ослабна.
Јавноста со нетрпение го очекува секое нејзино појавување во јавноста – што ќе облече сега ?
Нејзиното последно позирање пред фотографите на улиците на Њујорк помина повеќе од одлично.
Сето тоа зборува дека нејзиниот стајлинг и тоа како е интересен.
Носеше едноделен фустан-капут со интересни принтови, со кој вклопи каиш со кафеави нијанси. За заокружување на изгледот пејачката се одлучи за преубав шешир, долги црни чизми и модерни очила.
Но, при нејзиното претходно појавување на улиците американскиот главен град мислењата беа поделени. Иако не се плаши да експериментира со боите, дезените и материјалите, овојпат сите ги изненади.
Селин гордо и самоуверено се појави на улиците на Њујорк во бела ролка и капут со совршен дезен, и свилени хулахопки со ист дезен. Белите чевли се речиси невидливи во целата комбинација.
Како и да е, можеме да заклучиме дека пејачката вешто ги комбинира различните стилови и бои и што е најважно ги носи на најдобар можен начин.
