Првата дама на Америка е позната по своите деловни модни комбинации, но на патувањето во Индија ја откри и нејзината забавна страна кога станува збор за модата.
Претседателот на Америка Доналд Трамп во моментов престојува во Индија, а дел од неговата делегација се и неговата сопруга Меланија и ќерката Иванка Трамп.
Ќерката на Трамп избра рачно ткаен и многу елегантен „шалвар-камиз“, традиционалната облека која обично ја носат жените во Јужна Азија, како и панталони и туниката која се закопчува однапред со низа копчиња. Станува збор за модел кој го носи потписот на Анита Донгре и во целост е бела боја, а го комбинираше со бели затворени папучи од Маноло Бланик.
Од друга страна, сопругата на американскиот претседател Меланија Трамп сите ги воодушеви со бел фустан со крагна, која се закопчува на сличен начин како и изборот на Иванка, а Меланија на својата комбинација додаде и црвен појас, со кој го нагласи ефектниот принт на овој интересен фустан.
Таа изгледаше прекрасно во моделот од Каролина Херера со миди должина и ракави на три-четвртини, за кој издвои дури 1.800 американски долари.
Изборот на Меланија како и секогаш е одличен и очекуван, таа на својата комбинација додаде и класични салонки, во бела боја.
