Пандемијата од коронавирусот многу луѓе ги испаничи со прогласувањето на карантин и затоа тие ги преплавија маркетите во потрага по продукти за преживување, но во огромни количини! Некои во паника купуваат преголеми количини за залиха, што пак кај други купувачи предизвика бес, бидејќи не успеале да ги купат ниту најосновните. Но, поради некоја причина многумина се опседнати со купување огромни количини на тоалетна хартија.
Една мајка од Хемпшир купила 18 тоалетни, но ѝ се случило малер, децата сите ролни ги ставиле во кадата и потопиле со вода. Оваа случка на Твитер ја сподели близок пријател на мајката, Ед Каминг, а објавата собра илјадници лајкови и стотици коментари.
My friend bought 18 loo rolls and her kids put them all in the bath pic.twitter.com/sxRsiRLOrV
— Ed Cumming (@edcumming) March 16, 2020
Децата ја расфрлале тоалетната во кадата заедно со своите играчки, не сметајќи дека со тој потег прават нешто лошо.
„Карма“, „На децата им се допаѓа тоалетна хартија“, „Исуши ја со фен за кос“, „Ова ќе ме докрајчеше“, се само некој од коментарите оставени под фотографијата.
