Она што го прави овој рецепт за сок од јагоди посебен е ниската содржина на шеќер, но и „заробениот“ автентичен вкус на јагода во кој можете да уживате во секое годишно време.
Потребни состојки:
1 кг јагоди
2 л вода
Еден лимонтус
200-250 гр шеќер (бел или кафеав)
Подготовка:
Измијте ги јагодите и убаво исчистете ги. Ако треба, измијте ги уште еднаш. Изблендирајте ги и ставете ги во тенџере. Додадете ја водата, лимонтусот и шеќерот.
Најпрво варете на умерена температура, додека да се растопи шеќерот. Оставете да проврие, па варете уште пет минути. Внимавајте да не ви претече.
Жешкиот сок од јагоди сипете го во претходно загреани стаклени шишиња. Во фрижидер може да се чува до седум дена, а доколку сакате да го имате и во есен и зима, замрзнете го во пластичен сад.
БОНУС ВИДЕО:
