Кога жена носи црвена облека, сакала или не, ќе биде забележана каде и да се појави. Црвената облека ќе ги засени и лошата фризура и непогодената шминка.
Одамна ни е познато дека оваа боја е клучна во заведувањето и во оставањето впечаток, а сега тоа е и научно потврдено на Универзитетот во Рочестер. Според нивното истражување, без разлика дали е маж или жена, секој би реагирал со вртење по девојка во црвено.
Дел од мажите истакнале дека би вложиле повеќе труд за да освојат таква девојка, па дури и ако тоа значи да потрошат повеќе пари за нејзе.
Истражувањето вклучило и фотографија на која на истата девојка во фотошоп ѝ била менувана бојата на облеката и најмногу реакции добивала кога е во црвено.
Со ова се потврдува културолошкото и историското верување дека црвената боја е симбол на љубов, страст и плодност.
