Се ближат празниците, времето од годината резервирано за семејство и заедништво. Истовремено сите брзаме и сме под константен стрес, па затоа е препорачливо да се подготвиме за тој период најдобро што можеме.
Премногу фокусирање на материјалните работи може да понуди краткорочно задоволство, но материјализмот на долг рок е поврзан со лошо расположение и намалено чувство на благодарност. Експертите наведуваат неколку начини за подобрување на расположението и благодарноста, пишува „CNN“.
Почнете да се фокусирате на вашите пет сетила
Напишете на лист три работи за кои сте благодарни денес. Вашите одговори може да бидат едноставни, како зајдисонце или утринско кафе. Повторете го ова секој ден во наредните пет дена.
Негувајте благодарност со секој здив
Сакате да се чувствувате благодарни? Вдишете и издишете десет пати. Сите знаеме дека нема живот без здив. Тоа е одлична причина да бидете благодарни. За да го развиете тоа чувство на благодарност за нашата способност да живееме и дишеме, практикувајте едноставна медитација за благодарност со десет вдишувања.
Седнете удобно со стапалата на подот и затворете ги очите. Ставете ги рацете во скут или ставете ги на долните ребра. Започнете со вдишување и издишување низ нос, издолжувајќи го и продлабочувајќи го здивот со темпо кое ви е удобно и одржливо.
Кога ќе бидете подготвени, при следното вдишување, замислете ја бојата што ја поврзувате со чувството на благодарност и дозволете ѝ да ви го исполни умот додека ги полните белите дробови со воздух. Додека издишувате, замислете дека бојата и чувството на благодарност се шират низ вратот, градите и торзото и надвор од вашите екстремитети и исчезнуваат кога ќе завршите со издишувањето.
Повторете ја истата визуелизација, синхронизирана со секој здив, додека не завршите со броењето на десетте вдишувања.
Изразете благодарност до другите во писмена форма
Кои се трите луѓе во вашиот живот што навистина ги цените? Испратете брза, но внимателна порака до секој од нив во форма на рачно напишана белешка или е-пошта. Потсетете ги зошто се посебни за вас и колку се вредни на овој свет. Како резултат на вашите напори, тие ќе се чувствуваат вредни, ценети и сакани. Имено, тие не само што ќе доживеат задоволство, туку и вие ќе бидете посреќни.
Забележете и ценете ги малите нешта
Важен аспект на редовно практикување благодарност е користењето можности за изразување благодарност во текот на денот. Забележете денес и усно потврдете барем двапати дека некој ви направил услуга или ви пружил мал чин на добрина.
Откако ќе ги испробате сите горенаведени методи, би можеле да бидете инспирирани од придобивките што сте ги доживеале за зголемување на расположението и би било одлично да продолжите активно да практикувате благодарност на дневна основа.
