Мишел Џој Фелпс во светот на славните влезе како модел за „Максим“ и актерка, иако нејзината филмографија е прилично „тенка“.
Мишел се преориентираше на својата голема љубов, боксот, и влезе во новинарските води како една од само неколку жени да известува за мечевите од рингот.
Дека очигледно не погрешила говори и податокот дека е дописник од САД за британскиот „Скај спорт“.
Нејзината љубов спрема боксот не треба да чуди, кога се знае од какво семејство доаѓа. Нејзиниот татко и чичко се големи љубители на борбата во рингот, па не беше тешко за Мишел да продолжи по истиот пат.
Секако со својот изглед, Мишел додатно ја крева температурата покрај рингот, денес Мишел има Јутјуб канал кој месечно има околу милион посети.
Таа во текот на кариерата веќе имала можност да ги интервјуира помеѓу останатите како Мани Пакјао, Флојд Мејведер и Мигел Кото.
