Шарлиз Терон утре ќе го прослави својот 44-ти роденден, конечно среќна и богата, нешто што некогаш мислела дека е невозможно за нејзе.
Таа денеска важи за една од најдобрите и најплатените холивудски актерки, но нејзините детство и младост воопшто не биле мирни и пријатни. На само 15-годишна возраст, таа гледала како мајка ѝ го убива татко ѝ во самоодбрана и признала дека тој имал проблеми со алкохолот и насилното однесување.
Токму поради проблемите дома, не се вклопувала во ниедна средина, а страдала и од депресија. Шарлиз не крие дека страдала и од хепатитис, поради што ги има изгубено нејзините заби. Често посетувала психолог поради постојаните проблеми со депресијата.
Денеска освен по актерската кариера, Шарлиз е позната и по својот хуманитарен активизам, особено во здруженијата за поддршка на заболените со ХИВ. Во 2008 е прогласена за амбасадор на мирот на ОН.
