На социјалните мрежи можете да најдете најразлични совети и трикови за нега на коса, но многу е посигурно кога советите доаѓаат од врвни професионалци.
А знаете како се вели, погледнете ѝ ја на фризерката косата, па потоа потрпрете се на нејзините фен, четка и ножички…
И самата со супернегувана коса, Ивана Кузмановска Момироска отсекогаш сакала негувани коси и затоа несебично ги споделува своите препораки со клиентките, а овојпат со вас. Нејзините совршени дела тоа го потврдуваат – со вложена правилна нега косата ќе блесне со сјајност и ќе изгледа здрава.
Недостатокот на некои витамини и минерали, стрес, лекови, фризури, хормони, ригорозни диети, исто така, влијаат на здравјето на косата. Затоа, внимателно слушнете ја Ивана!
Користете производи кои не содржат сулфати
Честото миење на косата може да ја исуши. Што помалку користите шампон, толку подолго косата ќе ви остане хидрирана и помалку ќе пука. Користете шампони кои не содржат сулфати, бидејќи тие се помалку агресивни и одржуваат високо ниво на природна масленост на косата.
Стимулирајте ја кожата на главата
Кога ја масирате кожатан а главата со шампон кој содржи масло од пеперминт или еукалиптус, ќе почувствувате благо пецкање. Со тоа ја подобрувате циркулацијата и протокот на крв во фоликулите на вашата коса, што резултира со побрз раст.
Користете балсам за коса
Кога вашата кожа е добро хидрирана, нема да дојде до сушење и пукање. Користете балсам во оние делови кога не користете шампон.
Правилно чешлање
Ако не сте внимателни, чешелот може да ви донесе повеќе штета отколку корист. Доколку грубо го провлекувате низ вашата заплеткана коса, краевите ќе испукаат. Користете крупен пластичен чешел.
Рамна коса
Ако сакате косата брзо да ви расте, намалете ѝ го волуменот во коренот. Косата треба да биде што поправа за да момже да постигне побрз раст.
Екстензии
Ако користите екстензии за коса, ви препорачуваме да користите од оние со чешли. За да изгледате природно, изберете екстензии кои одговараат на текстурата на вашата коса.
Шишање
Наспроти широко распространетото мислење, шишањето не влијае на растот на косата. Третирајте ги краевите со тример ако сакате вистински резултати.
Третман со кератин
Одете на третман со кератин еднаш на 8 недели. Ќе си ја подобрите текстурата на косата и ќе ја намалите потребата за пеглање и употреба на фен. Покрај тоа, ќе имате заштитен слој кој ќе ви ја чува косата од можни оштетувања предизвикани од фарбањето.
Обрнете внимание на лековите кои ги користите
Дали сте знаеле дека контрацептивните пилули ја ретчат косата. Секоја хормонална промена влијае на губење коса.
Косата и стресот
Стресот ослободува кортизол и други хормони кои влијаат на изретчувањето на косата. Добра вест е дека можете да го свртите процесот во спротивната насока со примена на масажи за стимулација на кожата.
Доколку ги применувате овие совети се применуваат, и ѝ посветите внимание на вашата коса, резултатот е загарантиран. За добро негувана коса не се потребни зборови, зборат делата – здрава коса, полна со сјај и неверојатни резултати.
