Американскиот рапер Тре Да Кид пронајден е мртов во својот автомобил само еден час пред својот настап во Анаполис, тој бил убиен со огнено оружје.
32-годишниот рапер бил на пат кон клубот во кој требало да настапи, а во него било пукано со огнено оружје, по што тој починал на лице место.
Според извештајот, полицијата добила повик во вечерните часови во кој било пријавено пукање и скршено возило на пат. Засега нема уапсени ниту осомничени, а истрагата е во тек. За било какви информации кои би можеле да доведат до сторителот се нуди награда во износ од 2 илјади долари.
Имал многу фанови и луѓе кои го сакат, па веднаш е покрената и иницијатива кобната улица да биде наречена по него.
„Кога се сомневавме во себе, тој не потсетуваше дека треба да веруваме“, изјави неговиот пријател и додаде дека пред се Тре Да Кид бил многу посветен татко на својот син, кој секојдневно со него пишувал домашно и заклучи дека сите го сметале за татко на годината.
