– За време на овој викенд, под влијание на стабилна и сува воздушна маса, времето во Македонија ќе биде сончево и релативно топло преку ден со максимални температури кој ќе се искачуваат во интервалот од 15 до 20 степени. Сепак, наутро ќе биде студено со минимални температури кој понекаде ќе се спуштат до околу -3 степени, со што локално и понатаму ќе има појава на слаб мраз, вели нашиот метео прогнозер Славчо Попоски.
Според Попоски, во понеделник постепено од запад облачноста ќе се зголемува. Додека под влијание на циклонска активност, во текот на ноќта понеделник кон вторник и во вторник ќе има врнежи од дожд.
Локално врнежите ќе бидат ПОИНТЕНЗИВНИ, и тоа особено на запад, каде ќе наврнат околу 15 л/м2 воден талог. Ќе дува слаб до умерен, а во вторник до ЗАСИЛЕН ветер од јужен и од југоисточен правец.
– Сепак и покрај оваа промена, температурите ќе останат релативно високи и тоа поради јужното воздушно струење. Истите ќе се искачуваат во интервалот од 13 до 17 степени. И во Скопскиот регион, до понеделник времето ќе биде стабилно, суво и сончево, додека во вторник ќе има зголемување на облачноста, проследена со врнежи од дожд и со засилен југоисточен ветер. Температурата ќе се искачува во интервалот помеѓу 16 и 17 степени.
