Нашиот тим започна соработка со една посебна, прекрасна мајсторка во кујна – Мартина Трајаноска.
Шармантната Мартина стои зад превкусните рецепти пласирани на инстаграм-профилот (martinascooking).
Готви од мали нозе, а со текот на годините и искуството научила дека најважна состојка во секое јадење е – љубовта.
Денес Мартина ни направи топено сирење. За сите љубители на кашкавалот и сирењето ова е одлична комбинација и одличен предлог ручек или вечера. Брзо, лесно и вкусно, а потребни ви се само 2-3 состојки.
Потребни состојки:
- 500 гр крем сирење
- 200 гр кашкавал
- кулен, сланина
Подготовка:
Ставете ред крем сирење, ред кашкавал и сецкано сувомеснато. Мене ми најубаво со кулен или сланина. Потоа повторно ставете ред од крем сирењето па кашкавал. Печете во загреана рерна на 180/200 С околу 15-20 минути.
Послужете со тостирано лепче или фурнаринки кои може да си ги направите од готово тесто за пица или домашни од тестото за пица 1 шолја јогурт, 2 шолји брашно и 1 пециво.
На здравје!
View this post on Instagram
