Нашиот тим започна соработка со една посебна, прекрасна мајсторка во кујна – Мартина Трајаноска.
Шармантната Мартина стои зад превкусните рецепти пласирани на инстаграм-профилот (martinascooking).
Готви од мали нозе, а со текот на годините и искуството научила дека најважна состојка во секое јадење е – љубовта.
Денес Мартина ни направи полнети печурки. Омилени по дома и се прават во различни варијанти.
Потребни состојки:
- Свежи шампињони
- кромид
- сувомеснато
- сирење
- кашкавал
- кисела или неутрална павлака
Подготовка:
Најпрво отстранете ги дршките од печурките. Исецкајте ги на ситни парчиња. Во тава кратко пропржете кромитче дури омекне и некое сувомеснато(може и без тоа), па додадете ги исецканите дршки од печурките. Јас обожавам кога додавам сирење посебно некое крем сирење(секако може и без сирење, буквално може да ставите сè што ви се допаѓа вам и на вашето семејство и да си направите некоја ваша комбинација. Додадете кисела или неутрална павлака и се убаво измешајте.
Печурките полнете ги со по 1-2 лажички од филот, па печете ги во загреана рерна на 180/200 С околу 20тина минути. Некоја минутка пред крај само додадете рендан кашкавал врз печурките и тоа е тоа.
View this post on Instagram
