Нашиот тим започна соработка со една посебна, прекрасна мајсторка во кујна – Мартина Трајаноска.
Шармантната Мартина стои зад превкусните рецепти пласирани на инстаграм-профилот (martinascooking).
(РЕЦЕПТ) МАРТИНА НИ НАПРАВИ БРАУНИС: Совршениот десерт кога „умирате“ по нешто чоколадно!
Готви од мали нозе, а со текот на годините и искуството научила дека најважна состојка во секое јадење е – љубовта. Денес Мартина ни направи новогодишни путер колачиња.
„Доколку сте во потрага по наједноставниот рецепт за колачиња кои може да ги направите во различни форми, периодов новогодишни, со интересни шари и декорации овој рецепт е она што ви треба. Јас го правам рецептов со години и секогаш е успешен“, вели Мартина.
Потребни состојки:
- 1 јајце
- 200 гр путер
- 200 гр шеќер
- 500 гр брашно
View this post on Instagram
Подготовка:
Изматете го омекнатиот путер со јајцето и шеќерот, па додадете го брашното. Додадете ванила за вкус и оформете не многу меко тесто, но не и да ви се рони. Убаво измесете го. Доколку ви е многу меко тестото, додадете малку брашно. Исукајте тенка кора, исечете форми по желба и печете ги во загреана рерна на 200-220 С околу 7-8 минути. Декорирајте ги по желба, јас ги цртав со шеќерна глазура, вие можете и со бело или црно растопено чоколадо. Шеќерната глазура е 200 гр шеќер во прав и една белка убаво измешани и по желба додадена боја.
