На кралицата Елизабета најмногу ѝ се восхитуваат во светот?! Но, само после Мишел Обама и Анџелина Џоли.
Во големото истражување на најпопуларни личности во 38 земји, кралицата Елизабета не успеа да стаса на првото место. А Меган Маркл не ни влезе во рангирањето!
Прашањето што го постави британската агенција YouGov на примерок од над 42.000 луѓе распространети низ 38 земји, од Колумбија до Египет, од Пакистан до Филипини, беше прилично едноставно: на кој женски лик најмногу му се восхитувате?
Кралицата Елизабета (95) е единствената членка на британското кралско семејство која се позиционирала на листата на 20 најпопуларни жени на планетата. Макар, и „само“ на трето место.
Можеби ќе се изненадите но британската кралица беше претркана од поранешната прва дама Мишел Обама (57), која го држи рекордот трета година по ред; и актерката/активистката Анџелина Џоли, (46).
Кралицата Елизабета, сепак, може да се утеши ако го прочита името на личноста која се позиционирала после неа: моќната Опра Винфри.
Меѓу другите жени на посакуваната листа – како Скарлет Јохансон, Ема Вотсон, Тејлор Свифт, Ангела Меркел, Малала Јусафзаи и Пријанка Чопра – изненадувачки недостасува важно име: она на амбициозната Меган Маркл (40), која во јануари 2020 година го напушти британскиот двор за да биде инфлуенсерка со полно работно време.
Што е пак, со нејзиниот сопруг Хари? Ниту името на принцот не се најде на листата на мажи на кои најмногу им се восхитуваат, а на оваа листа Барак Обама го обезбеди првото место. По него – претприемачот и филантроп Бил Гејтс и кинескиот премиер Кси Џинпинг.
