Оваа чорба се јаде ладна, па одлично ќе ве разлади и во текот на врелите летни денови…
Не морате да се откажете од јадењето на супи и чорби во текот на летото – доколку не ви се јадат топли нешта ви нудиме одличен рецепт за ладна чорба од домати.
Состојки:
Половина килограм домати
Чаша јогурт
Половина лимон
Сол и бибер по вкус
Лажица сецкани листови од магдонос и целер
Подготовка:
Доматите сварете ги во вода, потоа излупете ги, остранете го кочанот и испасирајте го во блендер со јогурт.
Кога смесата ќе се соедини, додадете 250 милилитри ладна вода и исцеден сок од половина лимон. Уште малку изблендирајте, додадете сол, бибер, магдонос и целер и оставете ја во фрижидер да се олади убаво.
Послужете ја ладна и уживајте во освежувањето.
