Благодарение на смрзнувањето, малините можеме да ги имаме преку целата година. Тие се многу хранливи, а вкусот можете да го зачувате и со овој одличен џем.
Спојот со кокос звучи несекојдневно, но во секој случај, се работи за вкус кој никогаш нема да го заборавите.
Состојки:
500 гр малини
250 гр шеќер
150 гр кокос
Џемфикс
Лимонтус
4 лажици ликер од кокос
Подготовка:
Во тенџере измешајте го овошјето, шеќерот и џемфиксот, измешајте добро и оставете да отстои 15 минути. Потоа додадете го кокосот и вклучете да проврие 10 минути. На крајот додадете ги лимонтусот и ликерот.
Топлиот џем сипете го во тегли и затворете ги.
