Луѓето се навистина зависни од шеќер, од него се чувствуваат добро и постојано сакаат повеќе, но медицината предупредува дека поради него сме дебели, страдаме од срцеви тегоби и пребрзо старееме.
„Накратко, од шеќерот сте грди, стари и дебели“, вели нутриционистката Брук Алперт.
Таа советува да се ослободите од зависностите на најлесниот начин – со тродневна исхрана без ни малку шеќер, па и без овошје и зеленчук кои содржат јаглеродни хидрати.
Од пијалаците е дозволено само вода, чај и кафе без шеќер.
Не земајте ни вештачки засладувачи, бидејќи само така ќе успеете да го ослободите непцето од навиката на сладок вкус. Подоцна ќе уживате во природната сласт на овошјето, па полесно ќе го намалите шеќерот во исхраната.
