Тиквичките се летен зеленчук кој е многу здрав, па затоа и можете да ги подготвите и како зимница и да ги имате и кога не им е сезона.
Состојки (за една голема тегла):
2 тиквички со средна големина
Една главица црвен кромид
3 чешниња лук
4 дл вода
60 мл јаболков оцет
Една лажица сол
2 лажички бибер во зрно
Рузмарин
Други зачини по желба
Подготовка:
Исечете ги тиквичките на половина по должина, па потоа секоја половина сечете ја на полумесечинки. Исчистете ги лукот и кромидот и исечкајте ги на поситни парчиња.
Во поголема тегла ставете ги водата, оцетот, зачините и кромидот и лукот. Ставете ги парчињата тиквички и гранчињата рузмарин.
По желба можете да ја пастеризирате зимницата. Ако не го направите тоа, рокот на траење на една тегла е околу 15 денови.
