Дури ни Попај морнарот не би помислил дека неговата омилена храна може некогаш да биде претворена во десерт како што е сладолед од спанаќ.
Во една слаткарница во Њујорк, по повод 90 години од првото емитување на Попај морнарот, е направен сладолед од спанаќ наменет токму за вегани и вегетаријанци.
Сладоледот е направен од спанаќ, млеко од индиски ореви, павлака од кокосово млеко, кокосово и маслиново масло, куркума, сол, какао путер и кафеав шеќер. Оние кои го пробале тврдат дека има совршен вкус.
Слаткарницата ќе го продава овој сладолед само до втори јуни, а поради состојките тој е доста поскап од другите сладоледи во нивната понуда.
