Подбрадокот, односно масниот слој кој се собира под кожата, е проблем со кој многу жени се соочуваат, а би сакале да можат лесно да се ослободат од него.
Поради масниот слој, кожата ја губи еластичноста. Во некои случаи е последица на генетиката, но значајно придонесува и вишокот килограми и лошиот животен стил.
Постојат хируршки интервенции со кои за најкратко време се видливи резултатите, но ситуацијата може да се подобри и со одредени вежби и промена на животните навики. Јадете храна богата со колаген и хијалуронска киселина, избегнувајте индустриски преработки и рафинирани шеќери и внесувајте „посни“ протеини кои потекнуваат од живина или риба, како и масти кои ќе ги внесете преку маслиново масло, авокадо и јатки.
Ова се неколку вежби кои ќе ви помогнат во процесот на ослободување од подбрадокот:
ВИКАЊЕ – Отворајте ја устата како да сакате да викнете. Оваа вежба ги тонира мускулите на целото лице.
ВРТЕЊЕ ГЛАВА – Не правете нагли потези, туку нежно вртете ја главата лево, па десно, па потоа горе и долу. Направете серија од 10 повторувања.
ЈАЗИК КОН НЕПЦЕ – Притиснете го јазикот на горното непце. Со ова ја вежбате мускулатурата на вратот.
НАИЗМЕНИЧНО ТУШИРАЊЕ – Како и за целото тело, така и за подбрадокот важи дека наизменичното туширање со ладна, па со топла вода ќе ја подобри циркулацијата.
БАКНЕЖ „КОН ТАВАН“ – Кренете го лицето кон таван и наместете ги усните како за бакнеж. Повторете по петпати на секои три часа.
ВЕЖБА СО ТОПЧЕ – Ставете мало топче под брадата и притиснете кон вратот. Оваа вежба може да ја повторите 25 пати дневно.
