Не е лесно да се пронајде пудра која точно одговара на вашето лице, па некои жени и девојки трошат многу време и пари додека да дојдат до совршениот производ.
Но, дури и тогаш се случува да се познава дека носат пудра. Постои еден едноставен трик кој ќе помогне да постигнете што поприроден изглед на тенот.
Познатиот шминкер Вејн Гос тврди дека со додавање капка масло (бадемово или од јојоба), ќе успеете во тоа, а нема да ја намалите покривноста на пудрата. Можете да изберете и друго масло кое одговара на кожата.
Со ова, добивате текстура која лесно се нанесува на лицето, а трошите и помала количина од козметичкиот производ. Резултатот е беспрекорен, а во исто време и природен изглед, како воопшто и да не носите пудра.
