Принцезата Дајана скоро никогаш не го носела фустанот, кој сега се смета за потомок на „одмаздничките стајлинзи“. Направен за неа од грчката дизајнерка Кристина Стамболијан, бил во нејзиниот гардеробер скоро три години, бидејќи Дајана сметала дека е премногу смел.
Во последен момент одлучила да го облече за летната забава на „Серпентина“, во јуни 1994 година.
Наводно требало да носи нешто од Валентино, но се премислила. Тоа била ноќта кога се емитувала контроверзната телевизиска програма, во која иле изнесени детали од прељубничката афера на принцот Чарлс со Камила Паркер-Боулс, сега војвотката од Корнвол.
„Сакаше да изгледа како милион долари и тоа се случи“, рече поранешната стилистка и уредничка на „Вог“, Ана Харви.
Овој момент јавноста го нарече „одмаздничко расположение“ а во продолжение ви ги претставуваме најдобрите изданија на „одмаздничко расположение“ во светот на славните.
Бела Хадид (2017)
Мет галата во 2017 година за Бела Хадид беше можност да го покаже своето совршено тело пред нејзиното бившо момче Д Викенд, кој на настанот присуствуваше со новата девојка Селена Гомез.
Џенифер Анистон (2005)
На премиерата на филмот „Derailed“, Анистон изгледаше сосема спротивно од очекуваното. Во светкав фустан од Шанел покажа дека нема да им подлегне на озборувањата за распадот на нејзиниот брак со Бред Пит.
Џенифер Лопез (2004)
По раскинувањето на свршувачката со Бен Афлек, Џенифер Лопез се појави на блескавиот црвениот тепих на доделувањето на Златни глобуси во грчки стил, дефинирајќи што буквално значи „блескав“.
Елизабет Харли (2000)
Елизабет Харли на забавата за Валентино Гаравани излезе во сензационално издание. Возбудливото деколте и силуетата што и ја оцртуваше нејзиниот фустан, цртаа јасна линија под нејзината врска со Хју Грант, со кого се раздели поради скандалот со неговото неверство.
Аријана Гранде (2018)
Откако ја прекина свршувачката со Пит Дејвидсон по романтичната романса, Аријана Гранде се потруди да изгледа како да зрачи со позитивна енергија.
Ирина Шајк (2019)
Кој подобро ќе го смисли „одмаздничкиот изглед“ од Донатела Версаче? По раскинувањето со Бредли Купер, Ирина Шајк прошета по модната писта во Милано во победничко издание.
Кристен Стјуарт (2013)
Фатена во таблоидна бура откако раскина со своето долгогодишно момче, Роберт Патинсон, Кристен Стјуарт излезе во сериозно издание на „Шанел“, сакајќи да докаже дека е недопирлива.
